State sorkari Nagaland Start Up Policy 2019 atema sangdonger

Kohima, June 26 (TYO): Department of Industries & Commerce-i sangdong ka ajanga, Public Service atema aser India sorkar indang Startup India Scheme dak sendakba nung sorkari Nagaland Startup Policy, 2019 sangdongogo, ta metetdaktsü.
Lisopur entrepreneur tem nem shishilembaba maparen tenzükdaktsütsü atema maongka agütsütsü aser ibaji ajanga lanurtem nem mapa maongka agütsütsü nükjidong nung iba policy tenzüker, ta kasa osang ajanga metetdaksü.
Iba sangdong agütsüba anogo nungi tenzüka küm pongu (5) atema mesüra tanga osang ka magütsü tashi (koba tama südir) iba policy ya mapa küma inyaktsü, ta ketdangsertemisa metetdaktsü.