Kohima nung institute 6 ‘Tobacco Free Institutes’ sangdong

Kohima, June 26 (TYO): Tobacco Control indang District Level Coordination Committee (DLCC) quarter senden June 26, 2019 nü DC Conference Hall Kohima nung menogo, ta ketdangsertem osang ka ajanga metetdaktsü.
Kohima ADC, Lithrongla Tongpi leniba nung iba senden amen aser Social Worker, Achila Walling-i tesüiba ita ishika Kohima DTCC-i inyaka aruba osang metetdaktsü.
Dr. Hotokhu Chishi Addl. Director HFW, Kohima State Nodal Officer (NTCP)-i Kohima nung institutions trok ‘Tobacco Free Institutes’ sangdonga liasü aser item institutions ji- Government High School Jakhama, Government Middle School Jakhama, Government High School Kigwema, Vineyard School Kohima, KRIPA Foundation Head Office Kohima, Japfu Christian College aser Integrated Rehabilitation Centre of Addiction (IRCA) KRIPA Foundation Kohima lir.
Iba sentong nung Kohima Deputy Commissioner, Anoop Khinchi, IAS-a aden aser senden nung DTCC Kohima dak sendakba onük aika nung o lemtepogo.
Paisa züngsemtem dang nüburtem nem maneni awareness agütsütsü aser Kohima nung public office tema Tobacco Free Institutes sangdongtsü atema inyaktsü ayongzük.
District Level Coordination Committee züngsemtemisa Kohima kübok kiyong ajak nung tobacco control committee tentettsü aser nüburtem dang moko achiba ajanga temang nung timtem balala agütsüba sangdongtsü atema Kohima nung Arogo balala den senteper inyaktsü asoshi jembia liasü.