International day against Drug Abuse and Illicit Trafficking 2019 amung

Dimapur, June 26 (TYO): Bodbarnü Capital Convention Center nung International day against Drug Abuse and Illicit Trafficking 2019 ayonga mungogo.
Iba sentong ya Kripa foundation-i Ministry of Social Justice and Empowerment Department of social welfare Nagaland, Narcotic Cell police department, NSACS, NCCI, IDUF aser Nagaland User’s Network teloktem den yaritepa ayongzük.
Iba sentong nung Nagaland Governor P.B. Acharya-i o jembidang “Nagaland ya mozü achiba tsütsü ‘danger zone’ nung lir” ta ashi.
“Kinungertem, medemertem, shisaliok rejutem, tamangba yimsü lennirtemi iba tebilemtsü atema shisadangtsü nüngdak” ta Acharya-i ashi.
Sentong nung Principal Secretary School Education & SCERT Menukhol John-ia o jembidang mozü achiba tebilemtsü ya jungjunga shisadanga inyaktsüba mapa ka lir ta ashi.
Tanü ama anogomung ya kanga tongtipang aser iba ajanga asenoki milen tsüklokshir asüng atema inyaktsüla. Asenoki aika inyakogo saka ano teinyaktsü aika lir aser civil society tem aser tamangba yimsü dak sendakba teloktemi shilem tulu agitsüla, ta John-isa ashi.
Kripa Foundation Director Abou Mere-ia ashiba agi, mozü achirtemi miimshia dang alir aser treatment mebushir.
1990 küm NMA aser Kripa Foundation longjemer Nagaland nung mozü achirtem miimshia aliba yimjak nung metetdaktsü aser parnok senzüka amshiba tangatetba melenshitsü atema osangtem sangoktsü tenzük, ta Mere-isa ashi.
Civil society tem aser NGO temi shilem tulu agiogo aser tang state sorkari mapa inyaktsüla. Health ya sorkar tebilemtsü lir anungji state sorkari Nagaland nung drug policy atema senotsü lemzüktsütsüla, ta paisa metetdaktsü.