Integrated Disease Surveillance Programme (IDSP) senden agiogo

Mokokchung, Aami/June 27, 2019 (TYO): Imkongliba Memorial District Hospital (IMDH) Mokokchung kübok IDSP conference hall nung June 27, 2019 Brehostibarnü integrated disease surveillance programme (IDSP) review senden agia liasü.
DPMU nungi aruba report ka ajanga angazükba agi, iba senden nung Nagaland indang District 11 nungi dena liasü aser District shia nungi power point presentation aser olemtep agia liasü.
India nung IDSP ya state nung amenoka aliba surveillance project ka lir, koba ajungbena tashidak timba akümba yakta metettsü aser itemji takaratiba nung anepalua tim yimya nung anepalutsü nükjidong nung inyaker.
Iba senden nung CMO Mokokchung, Dr. Chubala Aier-i o tatsüka jembia liasü, kong lai senden nung adenertem pela agizük aser pei nem lemzüktsüba maparen nung nendaka aser meranga inyaktsü asoshi tajungshiba agütsü.
Mokokchung nung State programme takok ngua ayongzükba asoshi laisa Dr Nyanthung Kikon SNO, IDSP nem tenüngsang den pelaba metetdakja liasü.
Senden nung adenertem dang data achaayangba, bendenba aser osangtem prokba nung kanga dang kümdangtsü asoshi Dy. CMO, Dr. Kibangkumba-i tetuyuba agüja liasü.
Dr. Nyanthung Kikon, SNO IDSP-i telok pela agizükba o jembi aser kasa mapang Epidemiologist, Dr. Akhumtemjen-i tepela anküp o jembia liasü.
Iba senden nung Medical Superintentent, DVBO, Epidemiologist aser Data entry operators nunger denogo. State Epidemiologist, Dr. Limasenla mendenbula liasü.