Eastman Cast & Forge Ltd-i state nung products tenzükogo

Kohima, June 27 (TYO): Ludhiana nung amenoka aliba hand/power/agricultural tools manufacturer- Eastman Cast & Forge Ltd-i June 27, 2019 nü Hotel Japfu, Kohima nung sentong ka agia tang mezüng Nagaland nung parnoki yangluba products ayok tenzükogo, ta ketdangsertem osang ka ajanga metetdaktsü.
Aluyimba hadir balala, furniture aser kisüjensü osettsüsetem ayoker- Hills Agro Agency of Kohima ji tongti stockist asütsü aser Nagaland nung Eastman Cast & Forge Ltd indang dealer asütsü.
Eastman Cast & Forge Ltd-i Europe, Asia, Russia aser Ukraine densema CIS linüktem 28 dangi parnok oset export asür.
Eastman group-isa John Deere, ISUZU, Mahindra & Mahindra, New Holland, Tafe, Eicher, Ashok Leyland, Tata Motors Ltd aser Sonalika nem OEMs supply asür.
Iba sentong nung teushi tejaoaker o jembidang Additional director Agriculture, Kivikhu Achumi-i Nagaland nung nüburtem atema lisopur entrepreneurs-i exporter aniokba atema tenüngsang agütsü.
Paisa, melemela belenshitettsü, amshitettsü, mapang talangka agitettsü, totzü/power ishika agiba, jenjang dalang aser service centre lira local market nung item osettem kanga junga yoktettsü, ta metetdaktsü.
Paisa company aser lisopur entrepreneurs-i iba maparen nung takok angutsü moatsür, ta metetdaktsü.
Sentong nung Eastman Cast & Forge Ltd regional sales manager, Bikram Dutta-ia par company osettem indang lemsatep.
Pai ashiba agi, tang parnoki teka agi amshiba hadir, power amshiba hadir, aluyimba hadirtem ayoktsü aser kobi melii merükmejuba osettem ayoktsü, ta metetdaktsü.
Agro Hills Agency co-proprietor, Alem Jamir-i, Eastman Cast & Forge Ltd ya kanga junga amenokteter aliba nüngtugu company ka lir, ajisüaka tang Nagaland nung iba company ya tasen asünungji tayongzükbatem ajurutsü, ta ashi.
Ajisüaka Eastman Cast & Forge Ltd indang oset quality ya junger asünung market nung kanga nüngtugu akümtsü, ta paisa shisem.