Acharya-i Manipur Angh repsema inyaktsü

June 27, 2019 nü Raj Bhavan, Imphal nung  PB Acharya-i Manipur Angh mapa repsema inyaktsü atema tenangzükba agiba noksa nung angur.

Kohima/Imphal, June 27 (TYO): Nagaland Angh, PB Acharya-i Manipur Angh mapa repsema inyaktsü atema June 27, 2019 nü tenangzükba agiogo, ta tanü PRO to Governor sangdong ka nung metetdaktsü.
Tanü Durbar Hall, Raj Bhavan, Imphal nung sentong ka ayongzüka Imphal High Court nung senior most judge, Justice LS Jamir-i ketdangsüa Angh, Acharya nem tenangzükba agidaktsü.
Tenangzükba agiba sentong nung Manipur Chief Minister Biren Singh, Cabinet Minister tem, MLA tem, state Chief Secretary, tongtibang ketdangsertem aser public lenirtem dena liasü.
Manipur Angh, Dr Najma Heptulla tang leave nung aliba agi Acharya nem Manipur Angh mapa repsema agütsür, ta kasa sangdong nung shia lir.