‘Development of Experts’ training agidar

Kohima, Aami/June 27 (TYO): June 27, 2019 nü Conference Hall, Directorate of Industries & Commerce, Kohima nung Industries & Commerce-i Agricultural & Processed Food Products Export Development Authority (APEDA) den senteper anogo ananü ‘Development of Experts in Nagaland’ training tenzükogo, iba training ya Hokolbarnü tembangtsü, ta ketdangsertem osang ka ajanga metetdaktsü.
Iba training tetenzük sentong nung okila jembidang Industries & Commerce Director, K. Hokishe Assumi-i, asenoki züsentetbatem tangalen ayokba jenjang ajungkettsütsü atema line departments tsüngda amalitepa inyaktsüla, ta metetdaktsü.
Asenoki senotsü aazüktsü atema masü saka asen achitsü atema dang züsenteter, ta shia pai training nung shilem agirtem dang state adener tangalen ayoktsüsa züsentettsü asoshi aluyimertem aser entrepreneurs ajungshitsü ayongzük.
Markets dak sendakba nung Director-i, “Aonsotsü den süngjanglijang tapu aika tsünütettsüsa asen lima ali tapet lir, ajisüaka item süngjanglijang ayoktsü atema asenoki lenmang meyangluteter. Anungji nüburtem taküm jenjang ajungkettsütsü atema shilem agirtem, talisa ketdangsertemi yaritsüla,” ta ashi.
Iba training ayongzükba nükjidong ya state nung industrial terenlok alitsü asoshi nüngdakba mera agia inyaktsü atema lir. Training nungsa technical aser rongsenkettsüng tsütsü industrial programs aser projects inyaktsü atema rangloktsü.
Department-i small scale aser cottage industries sector nung mapa aika adokdaktsütsü nükjidong nung programs aser schemes aika benoka inyakdar, anungji aluyimertem aser entrepreneurs nem lenmang lapoktsütsüji department indang tongti mapa lir, ta pai ashi.
State nung akoktsüsa tashi liaka tangaleni ayoktsüsa mezüsenteter, ibayongji mongintem adokdaktsütsü atema department-i iba training ya ayongzükogo.
Iba training nung shilem agirtemji sorkar departments- Industries & Commerce, Agriculture, Horticulture, Veterinary & Animal Husbandry, Fisheries & Aquatic Resources, Land Resources, Sericulture, Nagaland Honey Mission aser Nagaland Bio Resources Mission nungi züngsemtem lir.
Tanü Professor & Head, Management Development Programme Division, IIFT, Kolkata, Dr. Gautam Kumar Dutta-i “How to start Export Business, Export Finance, Letter of Credit, International marketing of products (E- Commerce)” onük jembi aser Assistant Director, Spices Board, Itanagar, Anan Debbarma-i “Role of Spices Board in export of spices, procedure for export of Spices, mandatory sampling & testing” onük jembia liasü.
Deputy Director, Industries & Commerce, Er. Y.L. Thongtsar leniba nung iba sentong agi, Joint Director, Industries & Commerce, T. Moawati Ao-i lokti pelaa agizükba o jembi aser Food Technologist, Zakielatuo Yiese-i tepela o jembia liasü.