Tripura sorkari MGNREGA taa tutsü

Agaratala, June 28 (Agrencies): Tripura sorkari MGNREGA indang taa anogo nung Rs. 177 aliba nungi Rs. 192 tutsüogo.
“April 1 nungi June 17 tashi nung Arunachal nung 35.67 lakh person days’ work inyakogo. Iba ya MIS report nung ashiba ama lir aser 1073 lakh person days’ mapa adokdaktsüogo” ta sorkari ashi.
India sorkari taküm MGNREGA taa agütsütsü atema Rs. 121.96 crore lemzüktsü. Iba nungi Rs. 104.52 crore tashi taa agütsüogo.
“Taoba mapang nisung ka atema anogo shi taaji Rs. 178.74 liasü aser saka tang Rs. 192 kümtsüogo” ta sorkar sangdong ka nung ashi.