CBI-i Nabam Tuki tenu nungertem dak tai tongloktsü

Guwahati, June 28 (Agencies): Taoba Arunachal Pradesh chief minister Nabam Tuki tenu Nabam Hari, pa kinungtsü Nabam Mary aser PWD ketdangser kar CBI-i tai tongloktsüogo.
Tuki-i PWD minister inyakdang parnoki government contracts tim mesüi lemzüktsü, ta CBI-i tai tongloktsür.
Parnoki tenders kecha melii, parnok kinunger aser metettepertem ajangzüktsü atema contract lema agütsü, ta CBI-i ashi.
Gauhati High Court tetuyuba nung ajemdaker CBI-i Tuki anema 2017 nungi bushisüngsangtsü tenzük.
Pa PWD minister inyakdang government contracts 11 tashi par kinunger nem lemzüktsü.
Mapatem rongnung kaji Umroi cantonment, Shillong nung Kendriya Vidyalaya building yangluba liasü.
Tuki-i Mary Associate nem contract aika lemzüktsü. Iba ya Tuki tenu kinungtsü Nabam Mary indang company lir.
2005-07 tsüngda Tuki-i contract temji lemzüktsü.
Tuki-i November 2011 nungi January 2016 aser July 2016 nungi September 2016 ta Arunachal Pradesh nung chief minister inyaka liasü.