ONGC nung mapa inyaker ka apu

Guwahati, June 28 (Agencies): Oil Natural Gas Corporation (ONGC) nung mapa inyaker ka Sivasagar police-i puogo.
Facebook nung Paresh Baruah-i aniba United Liberation Front of Asom (ULFA) posemba post ka asüba atema pa dak tai tonglokja apu.
Iba nisungji ONGC junior administrative assistant Gyandeep Gogoi lir aser pa Brihostibarnü Nazira nung apu.
“Iba ya national security indang onük ka lir. Onoki ULFA (I) nung nisungtem aniokba maparen bushisüngdang sürar. Pa police ket nung lir aser Indian Penal Code (IPC) nung Arrla balala kübok pa dak tai tongloktsüogo” ta Sivsagar district nung ASP Balin Deouri-i ashi.
Police-i Facebook ama social networking site tem mita rerpanger aser telungpur posema züluba post asürtem apur, ta ASP Deuri-isa ashi.