Centre-i Northeast nung alirtem ajungketnür: DoNER Minister

Guwahati, June 28 (Agencies): Union Minister of State (independent charge) for Development of North Eastern Region (DoNER) Jitendra Singh-i New Delhi nung Northeast nungi MP ajak den külemi senden ka amen.
Centre-i northeast nungi MP tem den amalitepa northeast nunger asoshi mapa inyaker, ta Jitendra-i ashi.
North East MPs Forum (NEMPF) nung Lok Sabha aser Rajya Sabha MP ajak dena lir aser parnoki Jitendra den ajurutepa tanga teinyakdak scheme tem aser ano tarutsü sentongtem lemsatep.
Tesüiba küm 5 tsüngda Narendra Modi lenisüba kübok sorkari Northeast asoshi temolung kanga agütsüogo. NE nung mapatongtem tekaraba nung tembanga inyakdaktsütsü atema DPRs yangluba mapa tezübaba kümdaktsüogo, ta senden nung DoNER Minister-isa metetdaktsü.
Maneni North Eastern state indang budget ajungkettsü atema Finance Ministry den jembitepdar, ta paisa shisem.