Moava yimdak Health Sanitation & Nutrition Day among

June 26, 2019 nü Medziphema Sub-division kübok Moava yimdak Village Health Sanitation & Nutrition Day amongdang tangokba noksa nung angur.

Medziphema, Aami/June 28 (TYO): June 26, 2019 nü Medziphema Sub-division kübok Moava yimdak Village Health Sanitation & Nutrition Day mongogo, ta tanü ketdangsertem osang ka ajanga metetdaktsü.
Iba sentong nung Rashtriya Poshan Abhiyan kübok Department balala- District Administration, Social Welfare, PHED, School Education, Health & Family Welfare aser IPR nungi züngsemtem aden.
Iba sentong ya tanurtem, tainlonglong tetsürtem aser tantsürtem dak anemia, tetsürtem diet, IFA, kiyi mozü, tzü tajemtsü tajung aser merükmeju nung rangloker agiogo.
Social Welfare Department-i Nutrition & Poshan Abhiyan indang awareness agütsü, iba sülen merükmeju, teka shidokba aser tzü tendangba indang seminar agi. Tesülen PHED-i yimdakalirtem nem tzü tendangba osettem lema agütsü.
Health & Family Welfare Department-isa anemia nokdangtsü, tetsürtem diet, immunization aser tetsütem temang tendangba indang awareness agütsü.
Iba sentong ya CDPO Medziphema, Tsungrosongla leniba nung agi aser EAC Medziphema, Sentilong Ozukum-i okila jembia liasü.