Dhansiripar Block nung HIV/AIDS indang sentong ka agi

June 28, 2019 nü IRCA, Murise village, Dhansiripar Block, Dimapur nung HIV/AIDS indang sensitization programme agiba sülen tangokba noksa nung angur.

Dimapur, Aami/June 28 (TYO): June 28, 2019 nü IRCA, Murise village, Dhansiripar Block, Dimapur nung Integrated Rehabilitation Centre for Addicts/Alcoholics (IRCA), Prodigals’ Home-i Migrant (NSACS TI Project) den senteper HIV/AIDS indang sensitization programme ka ayongzüka agiogo, ta Coordinator IRCA, Prodigals home Dimapur, Apong Jamir-i osang ka ajanga metetdaktsü.
Migrant project Coordinator, Atsung Ao-i, HIV/AIDS tashidak indang rajema alitsü metetdaktsüba den külemi PowerPoint presentation ajanga iba tashidak menaba lenmang balala aser iba tashidak keta alirtem mesenmetui züngshiba indang metetdaktsü.
Iba sentong nung shilem agirtemi merajemi alibatem asüngdangba langzü aser asen lokti nung HIV/AIDS tebilemtsü nokdangtsü atema awareness agütsütsü atema tesayuba agütsü.