DCCI telemtetba magizüker

Dimapur, June 28 (TYO): Naga Council Dimapur (NCD) lenisüba kübok Naga Women Hoho Dimapur (NWHD), GB’s Sadar Union, Dimapur Urban Council Chairman Federation (DUCCF) aser Dimapur Naga Students Union (DNSU) külem senden ka amen.
June 28, 2019 nü sendenji Naga Council Office nung ayonga amen.
Senden nung adenertemi Dimapur Chamber of Commerce and Industry (DCCI)-i bangzüng kar renema aliba magizüktsü atema telemtetba agi.
DCCI office nung 90% ji non-local tem lir aser parnoki Naga nunger madak yimsü masütsüla. Anungji June 22, 2019 nü DCCI lokti senden nung bangzüng renemba magizüker, ta NCD, NWHD, GBsSU, DUCCF & DNSU-i tanü sangdong ka nung metetdaktsü.