Non-subsidised LPG cylinder jenjang dalangba kümogo

New Delhi, July 1 (Agencies): July 1 nungi non-subsidised LPG gas cylinder ka nung sen 100 agi dalangba kümogo.
Indian Oil Corporation (IOC)-i ashiba agi tanü nungi non-subsidised LPG gas cylinder ka Rs 637 agi angutsü. Iba ya yashi tashi ayokba dang nungi Rs 100.50 agi dalangba lir.
Yashi tashi nung non-subsidised domestic LPG cylinder ka indang jenjangji Rs 737.50 liasü.
International market nung jenjang ajema akümba aser dollar-rupee exchange rate tajungba akümba agi jenjang alur ta IOC-i metetdaktsü.
Maneni, subsidised LPG cylinder indang jenjang reprangshimba sülen Rs 494.35 kümogo.
Tang cylinder (subsidised) ka nung Rs 142.65 anüngbaji Centre sorkari agütsütsü. Iba sülen customer indang bank account-i balance amount yoktsü, ta IOC sangdong nungsa shia lir.