JCPI-i jongdak senden ka ayonger

Dimapur, Chiteni/July 2 (TYO): JCPI-i Nagaland nung aliba kin balala lokti tentet tongtitem ajak July 5, 2019 nü jongdak senden ka amentsü asoshi ayonger. Iba senden ya Hotel Saramati Conference Hall nung 11:00 ako nungi tenzüka amentsü. Nagaland Chief Secretary-i June 29, 2019 nü RIIN dak sendakba nung osang agütsüba dak ajemdaker sensaksemtsü asoshi iba senden ya jateper.
2019 July 1 nü JCPI jongdak senden nung item onük tem bangzünga ayu:
1. Indigenous inhabitants of Nagaland registration asoshi tatembangbuba anogoji, notification No.AR-8/8/76 dated 28th April 1977, Kohima nung ajemdaker December 1, 1963 asütsüla.
2. RIIN registration ya azü nungi aruba Naga nunger dang asütsüla, ta JCPI, Convenor K. Ghokheto Chophy aser Secretary Tia Longchar nati sangdong ka ajanga metetdaktsü.