DNSU-i asükhu lemsateper

Dimapur, Chiteni/July 2 (TYO): July 1 nü Phek District kübok Porba yimtsüng nung asür Zhoku Thüluo ajungbena asüba osang angazüka Dimapur Naga Students’ Union (DNSU) aoksaba aser kanga temulung shirangba lemsatepogo. Pai All Nagaland College Students’ Union (ANCSU) tir, Naga Students’ Federation (NSF) Editor aser tanga Organisations/Unions tem nung inyakogo.
Pai lokti aser talisa kaketshir lokti asoshi inyakbatem teti menungraa bilemtettsü.
DNSU tir aser lenirtemi asür kibong den asükhu lemsateper aser pa tanüla tesunep nung anisüngzükdakjang ta sarasademtsür, ta Dimapur Naga Students’ Union (DNSU), Finance Secretary, Sedelo T Vadeo-i sangdong ka ajanga metetdaktsü.