UNICEF India aser NEC na longjemer inyaktsü

Dimapur, Chiteni/July 2 (TYO): UNICEF India aser North Eastern Council (NEC) na public health sector dak sendakba nung disaster resilience tsütsü jongdaka maparen balala adokdang külemi tashi itshir inyakyonga aotsü asoshi mulungtepogo. Iba dak sendakba nung Assam atema UNICEF, State Office ajanga “Emergency Preparedness for Public Health Sector” dak ajemdaker Sikkim, Meghalaya aser Assam nung 2019 August ita State Governments kübok Health & Family Welfare Department, PHED Department amala den Regional Consultation programme ayongzüka agitsü aser iba sülen ano state nung district kar dak rangloker consultations aser planning sentong agitsü.
Iba telemtetba ya NEC, Secretary, Ram Muivah lenisüba kübok akaba senden ka nung agia liasü, kong UNICEF nungi Dr. Ashish Dadwal, Health Specialist; Anand P Kar, Risk & Resilience Programme Officer; aser Nishant Borgohain, DDR & CCA Consultant nunger densema liasü. NEC-i iba sentong ya achaayanga inyaktsü asoshi mulunga agizükogo, ta ketdangser sangdong ka ajanga metetdaktsü.