Tarutsü asoshi Economic Census tejangja agitsü nüngdaker: Wokha DC

Dimapur, Chiteni/July 2 (TYO): Tarutsü atema sentong yanglutsü asoshi Economic Census tejangja agitsü nüngdaker, ta Wokha Deputy Commissioner, Manazir Jeelani-i 7th Economic Census dak sendakba nung District Level Co-ordination Committee (DLCC) senden amenba mapang ashi. DC Wokha shiba DLCC, Wokha mendenbuba lir pa lenisüba kübok iba senden July 2 nü pa indang office chamber nung mena liasü.
District Economic & Statistics Officer, A. Chubathung Ezung-i senden nung jembiba mapang, Economic Census agiba tongtibangba nükjidongji district telongtet nung establishments tem ajak bushiteta züngoksemtsü asoshi lir, ta ashi. Iba ajanga district kübok establishment kwi lir, type of ownership, rongsen aazükba lenmang aser nisung kwi mapa nung anioka lir, item indang osang tejangja agütsütsü.
Economic census agiba ajanga maneni district kübok economic establishments ajak indang inyakyim, ownership pattern aser mapa nung shirnok sendaka lir item amala osang tejangja agütsür. Chubathung Ezung-isa ashiba iba kübok household enterprise tem koba non-firm agricultural aser non-agricultural sector nung Goods/Services aser production mesera distribution nung densema lir item ajak züngoksemtsü.
Paisa database bendena aliba yagi sorkar aser bushitsüngdangba lokti tentet balala socio-economic survey nung teyari agütsütsü. Iba osang ajanga economy nung sector balala-i Gross Domestic Product (GDP) nung teyari agütsüba asadangtsü aser micro level mesera decentralization planning atema amshitsü, ta ashi.
District Manager, CSC, Chenibemo Ngullie-i ashiba agi, 7th Economic Census atema district-i kibong shia semdanga aotsü asoshi Census Enumerators 72 aser Census Supervisors 27 shimogo aser iba maparen ita asem tsüngda tembanga inyaktsü imlar, ta ketdangser sangdong ka ajanga metetdaktsü.