NCC Annual Training Camp-II agi

Mokokchung, Chiteni/July 03 (TYO): 25 Nagaland Independent Company National Cadet Corps Mokokchung-i ayongzüka CRPF Camp DEF, Mokokchung nung Combine Annual Training Camp-II 2019 agiogo; iba training camp nung eastern Nagaland nung aliba district trok nung aliba nija school aser college balala nungi Cadet 380 shi shilem agia aden, ta Officer Commanding, Mokokchung, V Ahlawat Col-i tanü sangdong ka nung metetdaktsü.
Iba camp tetenzük sentong nung Col. Vijay Alhawat Camp Commandant-i okila jembi, Lt. Prof. Aghato Sumi Deputy Camp Commandant-i lokti pelaa agizükba o jembi aser tetushi tejaoker Deputy Group Commander Kohima, Group Headquarter, Col. Prashant Pachuri-i tayongzükba o jembia liasü, ta kasa sangdong ajanga metetdaktsü.