Mkg DPDB senden July 5 nü amentsü

Mokokchung, Chiteni/July 03 (TYO): Mokokchung Deputy Commissioner aser District Planning and Development Board (DPDB) Vice-Chairman-i Bodhbarnü sangdong ka ajanga, July ita atema Mokokchung DPDB senden ADC (Planning) Conference Hall, Mokokchung nung July 5, 2019 anüngdang 11: 00 ako nungi amentsü, ta metetdaktsüogo.
Tamalen metetdaktsüba ama masü saka senden amentsü tesem melenshibaji temelung nung zünga yur iba senden nung ajak medema adentsü mepishia metetdaktsür, ta kasa sangdong nung shia lir.