NPP-i ABAM tenüng asanger

Dimapur, Aami/June 4 (TYO): Ao Baptist Arogo Mungdang (ABAM) Impur-i Foothill Road Project atema tenla tulu agütsüba asoshi NPP state unit-i kanga pelaba sangdong ka ajanga metetdaktsüogo.
Iba ya lokti asoshi inyakba maparen ka lir aser iba mapa tajung mapang talangka bilemtettsü. ABAM-i mapa tajung inyakba ya Arogo aser Mungdang ajak asoshi tatishitsü tajung ka lir aser iba nungi project atema tenlatsü asoshi angazüktsüla.
Kasa mapang nung NPP State unit-i, state sorkar, contractors aser NFHRCC dang maneni meranga inyaktsü aser kasa mapang nung nüburtem den longjemer Foothill Road Project ya asangsang küma atalokdaktsütsü asoshi mepeshiogo.
NPP state unit-i Foothill Road Project maneni nongita yaritsü asoshi nangzükba, NPP, Nagaland, General Secretary- IPR Ricky Ozukum-i sangdong ka ajanga metetdaktsü.