Centre-i Tripura nem Rs 358 crore talila agütsü

Agartala, July 5 (Agencies): Tripura nung yimtsüng tia nung aliba tesemtem nung gari lenmang tasentem yanglutsü atema Centre-i sen crore 358 talila agütsüogo.
June 15 nü Tripura Chief Minister Biplab Kumar Deb-i Prime Minister Narendra Modi den ajurutepa mapa inyaktsü atema sen crore 358 talila meshiloka liasü, ta CMO sangdong ka nung ashi.
“Tripura nung metembangi ayuba mapatongtem tembanga inyaktsü atema senji meshi. Taoba Left Front sorkar ket nung senotsü meliaka, parnoki mapatongtem tenzük. Iba sülen parnoki senotsü maliba agi tom nung anen” ta CMO-isa metetdaktsü.
Mongulbarnü sen crore 358 ji state treasury tongogo aser iba ajanga state sorkari projects aser infrastructure maparen inyakba nung yaritsü, ta parnokisa shisem.