Zunheboto nung biker Onen Nenty pela agizük

Zunheboto, Chiteni/July 05, 2019 (TYO): Onen Nenty, shibai kisüng motorcycle nung July 04, 2019 nü Zunheboto district tonga liasü, la pela agizüktsü asoshi sentong tajung ka ayongzükja agiogo, ta DPRO sangdong ajanga metetdaktsü.
June 14, 2019 anogo nungi Onen Nenty ya motorcycle nung la kisüng Nagaland ajunga sema senzütsü asoshi tenzük, kong Nagaland, Angh P.B. Acharya aser pa kinungtsü Kavita Acharya nati Raj Bhavan Kohima nung ‘Kongro Naga on wheels’ flag off süja liasü.
Nagaland kübok district ajak ayimjemtsü asoshi lai la kisüng motorcycle nung senzütsü tenzüker.
Onen Nenty pela agizükba sentong nung Vikheshe Aye mendenbuba liasü. Sentong nungsa Hukashi Awomi, GS Sumi Totimi Hoho Zunheboto unit, Kakugha S Rotokha aser Nenty nungeri o tatsütsü jembi. Zunheboto Area Public Organisation (ZAPO) Tatong Tir-i tepela anküp o jembi.