Dimapur nung PwDs temeden atema awareness sentong agi

Dimapur, July 05 (TYO): Hokolbarnü Dimapur nung ‘Rights of Persons with Disabilities Act 2016’ awareness sentong den Persons with Disabilities (PwD) atema career counseling repsema agiogo, ta ketdangsertem osang ka ajanga metetdaktsü.
Iba sentong ya Bharti Infratel Scholarship Program kübok Shishu Sarothi-i Prodigal’s Home, Dimapur den senteper ayongzük.
Rights of Persons with Disabilities Act 2016 indang metetdaktsüdang Coordinator, Shishu Sarothi, Law Unit, Guwahati, Mamta Ghosh-i, matamabensartem nem arishi küm 18 tashi shisaliok angati agütsütsü aser higher education nung küm 5 tali shisaliok angati agütsütsüla, ta metetdaktsü.
Persons with disabilities nem vocational training agüja pei sasa mapa kar nung atongoktsü atema sorkari schemes yanglutsüla aser PwDs pur nem kasa maongka ngua taküm akhümket nung alitsü aser akhümtsübu angutsü temeden lir, ta laisa ashi.
EAC, Dimapur aser Nodal officer, PwD, Tsidi-i, career meshimdang peisasa pei dak aketba sempet jangjatsüla aser nendaka inyaktsüla, ta ashi.
Principal, Nagaland Tool Room & Training Centre, Dimapur, P. Miasalhou-i PwDs pur atema training aser mapa maongka balala indang metetdaktsü.
Project Coordinator, Bharti Infratel Scholarship Program, Seema Jangid-i slide presentation ajanga PwDs atema agütsüba scholarship program metetdaktsü.
Sentong tetenzüaklen Assistant Director, Prodigal’s Home, Maong Jamir-i lokti pelaa agizükba o jembia liasü.