RIIN atema senden amen

Dimapur, July 5 (TYO): July 5, 2019 nü Hotel Saramati nung Joint Committee on Prevention of Illegal Immigration (JCPI)-i tongti hohotem den senden menogo.
Nagaland sorkari Register of Indigenous Inhabitants of Nagaland (RIIN) yanglutsü telemtetba agiba atema tanü senden nung adenertemi pelaba metetdaktsü aser iba maparen nung akokba tashi yariteptsü telemtetba agi.
1977 küm Nagaland sorkari tetuyuba agütsüba ama Naga nunger kintem dak alaka, indigenous (lisopur) Inhabitants ajak atema December 1, 1963 anogo amshitsü atema tanü senden nung adenertemi telemtetba agi.
Nagaland nung Naga indigenous kintem kuli jangjatsüsa kümra, parnok tasoyimi kuli agütsütsü. RIIN mapa inyaktsüpurtemji Nagaland nung indigenous inhabitants asütsüla, ta parnokisa lemtet.
Tongti kin hohotem den village council aser GB temi pei pei telongtet nung sobaliba nung inyaka aruba ama tashi agütsütsüla ta senden nung adenertemisa tanü lemtet.