Manipur nung BJP MLA Singh’er kima bomb apok

Imphal, July 4 (Agencies): Yashi Manipur nung Bharatiya Janata Party (BJP) MLA L Sushindro Singh’er kima Improvised Explosive Device (IED) ka pokdaktsü.
Imphal East district kübok Khurai nung nikongtsütsü 4:00 ako meta MLA Singh’er kima nung bomb pokdaktsü saka shinga yiruyibong asüba osang mali.
“Shiri iba mapa ya inyakar tangbo meshitettsü” ta Inspector General of Police, Clay Khongsai-i ashi.
“MLA indang escort party tem iba tesem nungsa gari anena ayu. Shirnoki iba mapa inyakar onoki metettsü” ta Khongsai-isa ashi.
Iba mapang MLA Sushindro Singh kidang liasü aser osang angashili Director General of Police, LM. Khaute-i anir Manipur Police nungi tongti ketdangsertem tesem tonga ao.
2012 nunga Sushindro’er kidang IED ka angu saka mongintemi raksa endok. Iba mapang pa Trinamool Congress züngsem ka liasü.