Pfutsero nung Sub-Registrar Cooperative Societies indang office semzükogo

July 09, 2019 nü Pfutsero nung Sub-Registrar of Cooperative Societies office semzükba sentong nung Agriculture & Cooperation Minister, Kaito Aye den ketdangsertem külemi tangokba noksa nung angur.

Pfutsero, July 09 (TYO): July 09, 2019 nü Agriculture & Cooperation Minister, Kaito Aye-i Pfutsero nung Sub-Registrar Cooperative Societies indang office semzüktsüogo, ta ketdangsertem osang ka ajanga metetdaktsü.
Iba sentong nung jembidang Minister-i public aser department ketdangsertem dang iba office junga aotsü atema anepalutsü mepishi. Paisa lokti dang iba maongka junga agitsüla, ta ashiba den külemi, Nagaland nung highest registered 700 cooperative societies ji Pfutsero unit lir, ta metetdaktsü.
Kasa sentong nung Commissioner & Secretary Cooperation, L. Akato Sema, IAS aser Registrar of Cooperative Societies, Wepe Ritse natia jembia liasü.