Nagaland nung tzünglu kanga arutsü

Guwahati, July 9 (Agencies): Northeast India nung tzünglu kanga arutsü asadangteta lir aser tan hopta Arunachal Pradesh, Assam, Meghalaya aser Nagaland nung tzünglu kanga arutsü.
Iba mapang Sikkim aser Sub-Himalayan West Bengal nunga tzünglu tulu arutsü. Ajisüaka, Manipur, Mizoram aser Tripura nungbo tzüngla kanga marutsü.
Skymet Weather-i ashiba agi, Hombar nungi Assam, Arunachal Pradesh, Sikkim aser Sub-Himlayan West Bengal nung tzünglu tulu arutsü tenzük.
Hombarnep 8:30 ako meta nungi tenzüker ghonda 24 tsüngda Darjeeling nung tzünglu 101 mm, North Lakhimpur nung 83 mm, Dibrugarh nung 68 mm, Pasighat nung 59 mm, Guwahati nung 53 mm aser Gangtok nung 32 mm aruogo ta Skymet-isa metetdaktsü.
Taruba hopta piyong Assam, Arunachal Pradesh, Meghalaya aser Nagaland kübok tesem kar nung tzünglu tuluba arutsü, ta parnokisa ashi.
Iba mapang Northeast India nung tzümetsüng aser anentsüh lendongtem ataloktsü.