Awareness Workshop sentong ka Kiphire nung agi

Dimapur, Chiteni/July 10 (TYO): Skill for Livelihood Generation dak sendakba nung Awareness Workshop ka Kiphire nung Deputy Commissioner Office conference hall nung July 10, 2019 nü kaogo. Sentong nung district indang skill-landscape Viliho Awomi, WWO-i metetdaktsü.
Viliho-i ashiba agi, Mahika Shakti Kendra ya tetsürtem ajungkettsü atemacentre ka lir koba state sorkari anepalur. Laisa, MSK ya Kiphire nung taküm March ita amenok kong sorkar school 118 aser private school 29 lir aser sorkar school aser private school meyokteper kaketshir 17472 lir.
Viliho Awomi-isa, taküm District administration, Department of Employment Skill Development & Entrepreneurship Nagaland aser State Rural Livelihood Mission na longjemer Pungro aser Kiphire nung Skill Mela sentong ayongzüka agiogo aser iba sentong nung training partner 12 dena, lanurtem nem skill balala tsütsü tangazükba agütsüogo, koba parnoki tarutsü nung benshia otettsü,” ta DPRO Kiphire sangdong ka ajanga metetdaktsü.