Zisaji Presidency College Foundation Day aser Freshers meet repsema agi

Kiphire, Chiteni/July 10, 2019: July 10, 2019 nü Zisaji Presidency College Kiphire-i Foundation Day den Freshers meet 2019 repsema amongba sülen college anasa Sr. Pastor KTBL, Chopongkyu-i Boys Hostel meshiteta semzüktsüdang tangokba noksa nung angur. Iba sentong nung tetushi tejaokerji SDO (C) HQ Nyempo Wallim liasü.

Kiphire, Chiteni/July 10 (TYO): July 10, 2019 nü Zisaji Presidency College Kiphire-i Foundation Day den Freshers meet 2019 repsema mongogo; iba sentong nung tetushi tejaokerji SDO (C) HQ Nyempo Wallim liasü.
Iba sentong nung jembidang Nyempo Wallim-i, asen taküm khen süi aobaji meyipa marutsü, anungji kaketshirtemi tarutsü nung mesasatsü atema mapang tetemsü nung pei tarutsü jenjang yangertsüla, ta ashi.
College Principal, Helen Jamie-i, 2019 küm college indang degree shilem 80% agi tajungba kümogo, ta metetdaktsü. Principal-isa, college nung e-library den Smart Class room facility agütsüdar, ta metetdaktsü. Kasa sentong nung Toju aser Dotsala na Mr & Miss Fresher’ shim.
Iba anogomong nungsa college anasa Sr. Pastor KTBL, Chopongkyu-i Boys Hostel semzüktsüogo.
Official osang ka ajanga ashiba agi, iba hostel yanglutsü atema Rajtrya Ujatra Shiksha Abhiyan (RUSA)-i sen crore ana lemzükja liasü.

Zisaji Presidency College Foundation Day aser Freshers meet repsema agi added by nungsang on July 10, 2019
View all posts by nungsang →