India nung nüngtugu nisungtem indang kakettem lemtsü

Kohima, Chiteni/July 10 (TYO): July 10, 2019 Bodhbarnü Durbar Hall, Raj Bhavan Kohima nung Nagaland Angh, PB Acharya-i GMS, Officers Hill Kohima, GMS Mengujuma, Jo Foundation Kohima aser Kohima Orphanage & Destitute Home nem India nunger nüngtugu nisungtem indang kakettem lema agütsüogo, ta tanü PRO to Governor sangdong ka nung metetdaktsü.
Iba sentong nung jembidang Angh, Acharya-i, shisaliok rejutem nung kaketnang (library) ya kanga tongtibang lir, ta metetdaktsü.
Paisa, kaketshirtem shisatsü ulushitsü atema kaket azüngtsü asoshi parnok ajungshitsüla, ta ashiba den külemi tesayurtem dang pei mapa nendaka inyakba ajanga loktiliba tashi itshidaktsütsü ayongzük.
Angh, Acharya-i kaket reju balala nungi züngsemtem nem kakettem lema agüja, item kaketji tajungtiba nung tajangzük kaa amshitettsü atema kanga anepalua amshitsü mepishia metetdaktsü.