Northeast nung district 14 renloktsü

Agartala, July 10 (Agencies): Development of North Eastern Region Ministry (DoNER)-i northeast kübok district 14 nung sector 5 renlokdaktsütsü atema mapa inyaker, ta Bodbarnü ketdangser kati ashi.
Sector pungu rongnung health, education aser agriculture dena lir.
2018 küm NITI Aayog-i northeast state 8 nungi district 14 shimtet.
“DoNER Ministry Secretary Inder Jit Singh-i anir aspirational district nungi chief nodal officers aser nodal officers den senden ka amen. Idangji pai ketdangsertem district shia nung basic sector 5 renlokdaktsütsü atema mapa inyaktsü tetuyuba agütsü” ta Tripura sorkar ketdangser kati ashi.
DoNER Ministry Secretary-isa ketdangsertem Centre aser state sorkartem aser district administration den yaritepa mapa inyaktsü atema metetdaktsü.
NITI Aayog-i Assam nung aspirational district 7 (Barpeta, Baksa, Darang, Dubri, Goalpara, Hailkandi and Udalguri) aser Arunachal Pradesh (Namsai district), Manipur (Chandel), Meghalaya (Ribhoi), Mizoram (Mamit), Nagaland (Kiphire), Tripura (Dhalai) o Sikkim (West Sikkim) nung kaka shima lir.