Assam nung ‘Miya’ sangro anema FIR benok

Guwahati, July 12 (Agencies): National Register of Citizens (NRC) mapa inyakba mapang Citizenship tebilemtsü ajuruba indang sangro ka mejemba atema Assam police tsüngdang nisung 10 anema FIR benokogo.
Nisung teimbaka Bengal nunger Muslim sangro mejemer aser activist tem lir aser parnoki ‘Miya’ oshi ta ajaba amshir.
“Tanü FIR ka benokogo. Tang tashi nung nisung shinga mapu” ta Deputy Commissioner of Police, Guwahati Central Dharmendra Kr Das-i ashi.
FIR ji Pranabjit Doloi-i benok aser pai Kazi Sharowar Hussein-i mejemba sangro ka indang shia lir.
“Iba sangro ya national security dena Assamese nunger atema lendong keta lir. Iba sangro mejemeri Assamese nunger ya tangar sempartem ta sayutsü bilema mejem” ta Doloi-i ashi.
Ajisüaka, activitist kari FIR atema ashiba agi “chichiba sensotem Doubtful voters ta züluokba” atema sangro mejemtsü temeten lir.
Hussein-i Facebook nung ashiba agi pa indang sangro atema nisung kari pa state anemer ka ama tenüng agütsütsü merangba atema mepelar.
“India ama democratic linük ka nung ni jembitsü temeten mali asü?” ta Hussein-i asüngdang.
Assamese scholar aser public intellectual Hiren Gohain-i tan ita tetenzüklen “Miyah poetry” lutsüogo.
“Miyah oshiji “artificial dialect” ka lir aser Miyah sangro mejemertemi kechiba Assamese oshi mamshir” ta Gohain-i asüngdang.