Nagaland nungi prangpong-injang shibelener 2 apu

Charaideo, July 12 (Agencies): Osang tejangja ka angazükba sülen July 11, 2019 nü Indian Army aser Charaideo police-i Assam-Nagaland arrtsü anasa Tingalibam nung prangpong-injang shibelener ana apu.
Tenaji John Konyak aser Ayan Konyak na ta jangjaogo aser tenaprongla ya Mon district, Nagaland kübok Namsa nung alir.
Yasüng 6:30 ako meta sepaitemi Bajaj Pulsar tanak (AS04H4110) ka sot aser idakji mena alir nisung ana apu. Tenaji Nagaland nungi Assam tsütsü aodang Tingalibam tea estate anasa apu.
Tena ket nung .22 pistol ka, hand-made rifle ka, injang asem, magazine ka, sen, mobile phone aser tanga osettem puogo. Tenaprongla Sonari Police Station nung puoka lir.