October tashi nung Bru nunger Mizoram-i arutsü

Dharmanagar, July 12 (Agencies): North Tripura district nung aliba relief camp 6 nungi Bru refugee tem taküm October tashi nung Mizoram-i meyipa arutsü.
Bru nunger maitsü jangjaba maparen July 3 nungi tenzük aser July 20 tashi nung tembangtsü, ta osang ka ajanga ashi.
Iba mapa ya Mizoram sorkar ketdangsertemi Tripura nung aliba relief camp tem nung inyaker.
Mizoram nunger sensotem ta jangjaba den külemi ketdangsertemisa Mizoram-i meyipa arutsü molungba Bru refugee tem tenüng bendentsü.
Mizoram-i meyipa aruba refugee tem nem küm ana atema angati ration aser itashia kibong ka nem sen Rs 5000 agütsütsü.
Mizoram kübok Mamit district nung Bru kibong 4,185 shi ka tanaben arua alitsü akok, ta Mizoram sorkar ketdangsertemi ashi.
Mizoram sorkari Kolasib district nung Bru kibong 822 aser south Lungleh district nung kibong 371 lidaktsütsü.