Cancer research atema tajungtiba nung inyakdar: Harsh Vardhan

New Delhi, July 12 (Agencies): Hokolbarnü Union Minister, Harsh Vardhan-i, cancer research atema sorkari tajungtiba nung inyakdar, aser item ama research atema Department of Biotechnology senotsü ajanga iba tashidak tajungba angatetdar, ta metetdaktsü.
Tanü Lok Sabha nung Question Hour mapang Science & Technology Minister, Harsh Vardhan-i, cancer ya tashidak tamajung ka lir, aser cancer research atema sorkari tajungtiba agi inyakdar, ta metetdaktsü.
Tarutsü nung health programmes ajakji tashidak nokdangtsü aser anema alibaren jenjang ajungkettsütsü atema rangloker inyaktsü, ta Ministry of Health & Family Welfare-i repsema abensang, Vardhani metetdaktsü.
Lok Sabha Speaker, Om Birla-i, cancer tashidak atema senden nung o lemteptsü akok, ta ashiba sülen Vardhan-i, tasüngdangbatem langzütsü atema pai melunga lir, ta ashi.
Minister-i, cancer treatment agidang temang nung normal cells raksatsüba nokdangtsü atema CSIR-National Institute of Science, Technology and Development Studies-i research agia mali, ta metetdaktsü.
Council of Scientific and Industrial Research (CSIR) dak alia Indian Council of Medical Research, Department of Biotechnology, Department of Science & Technology, Ministry of AYUSH aser Department of Atomic Energy-ia cancer tashidak atema inyakdar.
Tesüiba küm 10 tsüngda cancer research atema Department of Biotechnology-i senotsü agütsüba ajanga iba tashidak indang taliba angatetogo, aser item rongnung cancer adokdaktsüba kuli genetic & environmental factors aser biological mechanisms densema lir, ta Minister-isa shisem.