Pei constituency mesemdanger MP temi timtem ajurur: Shashi Tharoor

New Delhi, July 12 (Agencies): Mapang shia pei constituency mesemdanger MP temi timtem ajurur, ta Thiruvananthapuram (Kerala) nungi Congress MP, Shashi Tharoor-i ashi.
Delhi nung South Asia Conclave ka nung jembidang Tharoor-i, “Ni kü teinyaktsü mapatem inyaker, ibayongji nüburtemi maneni kü dak tamang akar,” ta ashi.
Paisa, “Talisa India north tsütsü MP temi pei constituency den tesendaktep balaka ayur aser mapang shia pei constituency mesemdangba agi timtem ajurur,” ta ashi.
“Atangji parnoki Narendra Modi tenüng nung takok angutsüa akok, aser tang inyakba ama dang inyaktsü. Ajisüaka peipei constituency nung inyakba mapatem ajanga onok bendanger,” ta pai ashi.
Shisashir, Jennifer Bussell-i züluba kaket “Clients and Constituents: Political Responsiveness in Patronage Democracies” onük nung jembidang Tharoor-i, “Nüburtemi kü mapa nguogo, parnok nüngdaktem inyaktsüba nguogo, ibayongji parnoki kü dak tamang kaa kü nem vote agütsü,” ta pai ashi.
South Asia Conclave ya Oxford University Press-i ayongzük, aser iba sentong nung shisashirtem, yimten yimsüsürtem, bureaucrats aser journalist temi shilem agia aden.