SC-i Sikkim CM Tamang shimba ashishir

Gangtok, July 12 (Agencies): Supreme Court-i tanü Sikkim aser Centre sorkartem dang Prem Singh Tamang-i Sikkim chief minister inyaktsü shimba indang osang ka metetdaktsüogo.
Chief Justice of India Ranjan Gogoi aser Justice Deepak Gupta o Justice Aniruddha Bose nungertem adenba Bench kati tanü iba PIL angadang.
Prem Singh Tamang ya Prevention of Corruption Act kübok aija lir anungji pa Chief Minister shimtsü temsüa mali, ta PIL nung shia lir.
Pai aniba Sikkim Krantikari Morcha (SKM)-i takok anguba sülen taküm May ita Prem Singh Tamang ya Sikkim nung chief minister inyaktsü shima liasü.
Tamang ya 2017 küm tepuokdak ayu. Milch cow distribution scheme ka nung pai sorkar sen lakh 9.5 shi tim mesüi amshiba atema aija pa tepuokdak ayu.
1994 aser 1999 tsüngda pa Minister of animal husbandry inyakdang iba miimmechi mapa ya inyakba liasü.
Prevention of Corruption Act, 1988 kübok ita trok dak tema aitsüba nisung kati küm 6 atema election nung metokteptettsü ta Representation of the People Act, 1951 nung lateta lir.