Tzümetsüng ajanga Assam sen crore 1000 akoksa: Himanta

Guwahati, Chiteni/July 24 (Agencies): Assam nung tawa tsümetsüng aruba ajanga sen crore 1000 akoksaogo, ta Assam Finance Minister Himanta Biswa Sarma-i, July 24 nü ashi.
“Public Works Department sen crore 335 akoksaogo aser kasa mapang nung Irrigation department sen crore 170 akoksaogo,” ta Sarma-i ashi.
Tzümetsü asadangba senden ka amenba mapang minister-isa, state nung ayong 30 embankments raksaogo, ta ashi. Sarma-i item embankments tem takaratiba nung yanglushitsü nangzükogo. Minister-i state sorkar kübok department ajak dang takoksa ajuruba data agütsütsü asoshi tetuyuba agütsüogo.
Tawa Assam nung tzümetsüng aruba ajanga state tesem timba ka metsüng aser iba ajanga lenmang, apu, tsünüsenpongtsü aser kio jen balala dang kongshia liasü. Tang tashi nung nisung taküm 70 tashi lendong nung samaogo.