Arunachal nung mozü shibelener 3 apu

Digboi, July 24 (Agencies): Changlang Police aser Changlang CRP nung F-149 unit telok kati Mongulbar anüngdang ozüng alema mozü shibelener asem apu. 1
Assam-Arunachal Pradesh arrtsü anasa parnoki nisung asemji apu aser parnok ket nung mozü gram 83 bena lia apu.
Inspector CA Namchoom-i anir ketdangsertemi Md Sofi Shah, Ghanshyam Pradhan aser Md. Ijaz Khan nungertem apu.
“Police teloki osang tejangja ka angazükba sülen Rangrinkan short -cut nung par asem apu” ta Changlang SP Romil Baniya-i ashi.
Ozüng alema mozü shibelenertem iba tesem nung kanga timtem agüja arur. Police-i apur asemji Assamese nunger lir aser parnok Margherita aser Dibrugarh nung alir, ta Baniya-i ashi.
Assam aser Arunachal Pradesh arrtsülen ozüng alema mozü shibelenba mapa kanga bulua inyaker ta paisa shisem.