Gangtok train lenmang agi sendakteptsü

Guwahati, Chiteni/July 25 (Agenceis): 2020 tashi nungbo Railway puri Northeast nung state yimtitem ajak sendakteptsü asoshi sentong renema lir.
Department-i küm asem tsüngda Sikkim-a iba sentong kübok anioktsü asoshi sentong yangluogo.
Tang tashi nung Arunachal Pradesh, Assam aser Tripura broad gauge ajanga kanga junga sendaktepogo.
Kasa mapang nung Shillong, Imphal, Kohima, aser Aizawl broad gauge ajanga sendakteptsü asoshi maparen inyak tenzükogo aser 2020 tashi nung iba inyakyim tembanga inyaktsü imlar.
Railway department nungi source ka ajanga ashiba agi, Sikkim nung train lenmang yanglutsü atema ali dak sedakba nung mangatettep aliba ajanga iba mapa inyaktsü monor.
“Sivok nungi Rangpo tashi broad gauge line yanglutsü atema project ya 2008-09 nung sanction asü, ajisüaka ali tsütsü mangatettep aliba ajanga maparen thitemer lir,” ta source ajanga ashi.