LS nung Triple Talaq Bill agizükogo

New Delhi, Chiteni/July 25 (Agencies): Brihostibarnü Lok Sabha senden nung sorkari triple talaq bill agizükogo, iba ozüng ajanga Muslim nungertemi ajungbena pei kinüngtsür den balabaji ozüng alema inyakba ka kümdaktsür aser iba ozüng nung aibelenertem tepoukdak ayutsü.
Muslim Women (Protection of Rights on Marriage) Bill, 2019 ya Rajya Sabha nunga benoktsü.
Lok Sabha nung züngsem 303-i iba bill pusem aser züngsem 82-i iba bill anema vote agüja liasü.
Iba bill anema TMC, Congress aser NDA teloktep nung dena aliba JDU züngsemtemi senden nungi ayazüka aao
Opposition party temi iba bill anema nokdak, ajisüaka sorkaribo, iba bill ya tetsür aser tebur na kasa züngshia kasa temeden agütsütsü atema lir, ta ashi.
Congress, Trinamool Congress aser DMK-ibo iba bill ya reprangshitsü atema parliamentary committee ka nem agütsütsüla, ta takhangba agüja liasü.
Muslim Women (Protection of Rights on Marriage) Bill, 2019 kübok triple talaq ajanga Muslim nungeri kinüngtsür den balabaji ozüng alema inyakba mapa ka kümdaktsüogo, aser iba ozüng nung aibelener kinüngburtem küm 3 tashi tepoukdak ayutsüa akok.