Zunheboto nung anti tobacco drive agi

Dimapur, Chiteni/July 25 (TYO): Zunheboto Chamber of Commerce & Industries puri maneni parnok telongtet nung moko agi yangluba osettem ayokba aser achiba nokdangtsü asoshi raraa arudar aser parnoki July 25 nü moko agi yangluba oset sen 45,000-50,000 alang pua SDO (C) Zunheboto, Renbemo Ezung, DBs aser ZCCI nungi ketdangsertem matsüngdang daily market junction nung rongtokogo.
Taoba mapang nung iba sentong achaayangba telok nungi convener Niheto Shohe den tanga ketdangsertemi parnok telongtet nung moko agi yangluba osettem puogo aser taoba mapang tetuyuba agütsür aliba nung aibelenertem nem temerenshi agüja liasü. Convener-isa iba sentong takok nguogo ta mesangdong tashi Anti Tobacco Drive ya agitsü, ta ashi. Nüngdakra iba sentong ya tesashiba benoka inyaktsü, ta paisa shisem, ta ketdangser sangdong ka ajanga metetdaktsü.