Anusuiya-i Chhattisgarh Angh; Anandiben-i UP Angh tenangzükba agi

Raipur/Lucknow, July 29 (Agencies): Hombarnü Raj Bhavan, Raipur nung Anusuiya Uikey-i Chhattisgarh Angh atema tenangzükba agiogo.
Taoba mapang Madhya Pradesh nungi BJP MP, Anusuiya Uikey ya Chhattisgarh Angh menden atema July 16 nü shima liasü.
Uikey-i Madhya Pradesh Angh, Anandiben Patel melenzük. Yaküm Chhattisgarh Angh, Balram Das Tandon asüba sülen Patel-i Chhattisgarh Angh repsema inyaka aruogo.
Uikey ya Madhya Pradesh nunga MLA inyakogo aser National Commission for Women nunga züngsem ka liasü.
2006 küm la Rajya Sabha züngsem shimba sülen lai Parliamentary standing committee balala nung züngsem inyaka liasü.
Ano külen Anandiben Patel-ia tanü Uttar Pradesh Angh inyaktsü atema tenangzükba agiogo. Chief Justice Govind Mathur-i ketdangsüa la nem tenangzükba agidakja liasü.
Anandiben Patel-i Madhya Pradesh Angh inyaka liasü aser tanü Uttar Pradesh Angh atema tenangzükba agi.
Akhidang nungi benshia aruba inyakyim raksaa Angh, Ram Naik-a tenangzükba sentong nung aden. Iba sentong nung Uttar Pradesh Chief Minister, Minister tem aser tongti ketdangsertem aika aden.
Tanep Anandiben Patel, Lucknow nung aliba Airport tonga arudang sepaitemi la agizük. Tayimtsü anendak Chief Minister, Yogi Adityanath, Minister tem aser tongti ketdangsertemi la agizük.