Dr Donkupar Roy mang Shillong tongogo

Guwahati  nung aliba LGBI Airport nung nisungtemi taoba Meghalaya Speaker asür Dr Donkupar Roy nem tetushi agütsüdang agiba noksa angur. (Guwahati, July 29)

Shillong, July 29 (Agencies): Taoba Meghalaya Speaker Dr Donkupar Roy indang mang Hombarnep Shillong tonga bener aruogo.
Guwahati airport nung Dr Donkupar Roy agizükdang CM Conrad Sangma dena liasü.
Deobar nikongtsütsü 3:15 meta New Delhi nung Dr Roy asü. Pa July 19 nungi Medanta Super Speciality, Gurgaon nung anioker anepalua aru.
Pa dang akhümtsüba sayua anogo asemnü- July 29 nungi 31 tashi state mourning alitsü ta Chief secretary-i osang metetdaktsüogo.
Iba mapang state kübok sorkar kiojentem nung National Flag tom nung ayutsü aser official enterntainment kecha malitsü.
Dr Donkupar Roy indang state funeral ji July 31 nü agitsü aser iba anogo nung Meghalaya kübok sorkar office, revenue & magisterial courts aser shisaliok reju ajak shibangtsü.