Imchaba Master Memorial Nagaland Open V/ball Trophy Sept 17-20 tashi asayatsü

Mokokchung, July 29 (TYO): Mokokchung District Volleyball Association (MDVA)-i ayongzükba 14 buba Imchaba Master Memorial Nagaland Open Volleyball Trophy 2019 September 17 nungi tenzüka 20, 2019 tashiji Mokokchung nung asayatsü lemtetogo, ta osang ka ajanga metetdaktsüogo.
Iba asayamung nung takoker asoshi senpet ajak meyokteper 1, 75, 000/- renemja lir, ta tayongertemi metetdaktsü. Senpettemji; champion, runner-up, second aser third runners-up ta alitsü. Iba den ano nija/jurila senpet den tanga incentives densema agütsütsü ta shiogo.
Tejangrar teams/clubs-temi MDVA President – 8132865806 mesüra Technical Committee Convener – 9612938723 den tongtepratepa osang tejangja agiteptsü asoshi osang ajangasa metetdaktsü.