Dr. Donkupar Roy asüba atema Dy CM, Patton-i mangyim lemsatep

Kohima, July 29 (TYO): Taoba mapang Chief Minister, Meghalaya Legislative Assembly Speaker teinyakdak aser UDP tongti lenir, Dr. Donkupar Roy ajungbena asüba osang angashia Nagaland Deputy Chief Minister aser BLP lenir, Y. Patton aoksar aser mangyimer, ta Media cell Dy.C.M.O-i sangdong ka nung metetdaktsü.
“Taoba mapang Chief Minister ka ama Roy-i Meghalaya nüburtem tenzükogo aser Meghalaya terenlok atema tuluka inyakogo. July 28 nü New Delhi (Gurgaon) nung pa ajungbena asüba ya Meghalaya nüburtem atema takoksa tulu,” ta sangdong nung shia lir.
Nagaland nung BJP MLA tem ajak tenüng nung Dy.CM-i asür kibong züngsemtem, medemertem aser pusemertem den mangyim lemsateper aser asür tanela tatem makai tesünep nung anisüngzükdakjang ta sarasademtsür, ta kasa sangdong nung shia lir.