Persons with Disabilities (PWDs) indang awareness camp agi

Dimapur, July 29 (TYO): Hombarnü District Disability Rehabilitation Centre (DDRC), Dimapur nung anogo ananü Persons with Disabilities (PWDs) atema identification & assessment camp aser awareness camp tenzükogo, ta ketdangsertem osang ka ajanga metetdaktsü.
Iba camp ya National Institute for Locomotor Disabilities (DIVYANGJAN), Kolkata-i DDRC Dimapur aser Prodigal’s Home, Dimapur na den senteper ayongzük.
Iba sentong nung jembidang tesasaba olen ka nung State commissioner for Disabilities, Diethono Nakhro-i, tesüiba mapang nung state-i central sorkar aser PWDs atema national institutesi agütsüba service balala junga meinyaktet, ta metetdaktsü.
State sorkari küm aika PWDs indang ozüngtem aser services meinyak, aser iabaji ajanga parnok takoksa angu, ta lai ashi.
State nung centre ka kija aliba DDRC Dimapur nung infrastructure aser nübo agi meperiba ajanga timtemer, ta lai ashi. Ajisüaka centre nung aliba staff temi kanga nendaka inyakba ajanga tanü tashi nung PWDs atema minimum service aser teyari agütsüteta arudar, ta lai ashi.
State nung PWDs temi minimum facilities bosa angutsü atema DDRC aser Prodigals Home na longjemba atema lai tenüngsang agütsü.
Chairman, District Management team, DDRC aser Deputy Commissioner, Dimapur Kevekha Kevin Zehol-ia PWDs atema inyaker stakeholders dang nükjidongtem ataloktsü atema inyaktsü ayongzük.
Kasa sentong nung Chief Medical Officer, Dimapur, Dr. Vikato Kinimi, District Welfare Officer, Dimapur, Tosheli Zhimomi aser National Institute for Locomotor Disabilities, Kolkata, Aratatran Patra nungeria jembia liasü.