Northeast nung Visa Facilitation Centres lapoktsü

New Delhi, July 29 (Agencies): Centre-i Northeast nung visa maparen tajungtiba kümdaktsütsü atema tebilemba lir ta Union External Affairs Minister V Muraleedharan-i ashi.
Northeast nungertemi India adena aotsü asüdang Kolkata-i oa visa yanglur aser iba tebilemtsü onoki angateta lir, ta Union Minister-i ashi.
Northeast nung visa facilitation centres koba linüktem atema lapoktsü’ar iba osangji ano memetetdaktsü lir. Tang Northeast nung Bhutan aser Bangladesh linüktem indang consulates dang lapoka lir.
Centre-isa Ministry of External Affairs timi ketdangsüa aotsü atema state yimtiba ajak nung Videsh Bhawan lapoktsü sentong lir.
Muraleedharan-i July 28, 2019 nü Meghayala yimtiba Shillong semdanga liasü.
‘World Nature Conservation Day’ nü Passport Seva Kendra, Shillong nung pai Cherry blossom süngdong ka tema yutsü.